Na 2024, cuater studiante di Bachelor of Ilustration di St Joost School of Art and Design (Breda, Hulanda) tin nan internship na Studio Steffen Maas. Pa tres luna, Amber, Joyce, Paloma y Yilmaz ta practica nan abilidadnan di dibuho individual y ta forma un team di diseño dinamico. Nan ta sinti nan mes contento tambe cu nan trabou ta sirbi un bon causa y ta forma un elemento vital di e proyecto ABC di Steffen.

Steffen Maas ta creando material di lesamento visual pa scolnan specifico na Aruba, cu ta specialisa den muchanan cu dificultad pa siña. Guia pa Steffen, e studiantenan ta yuda dibuhá y construí e base di dato visual extenso cu ta necesario pa yuda muchanan lesa, construi frasenan y expresa nan mes.

E contenido di e base di dato aki ta ensera incontable dibuho di diferente obheto, fenomeno y emocion, poni contra un background visual di Aruba, Boneiro, Corsou y Merca. E internship aki ta rekerí desaroyo di abilidadnan di dibuho individual y tambe abilidadnan di traha den team, investigacion visual y creacion di logica y retorica visual.

E reunionnan di e team ta wordo tene na diferente luga na Hulanda y combina cu bishitanan relevante y atractivo na museo. Esaki ta un manera excelente pa inspira otro durante e proceso di diseño. Studiantenan cu ta interesa den un internship por tuma contacto cu Steffen na mail@abcbooks.org.