Directora Astrid Britten a keda masha contento cu e buki Mi buki di Aruba. Biblioteca a haya 3 ehemplar di e buki pa su coleccion for di sr. Steffen Maas. Dia 6 di maart 2020, ilustrador y diseñador grafico, Steffen Maas, a presenta su proyecto ArubaABC den sala di exposicion na Biblioteca Nacional Aruba.

Proyecto ArubABC ta un proyecto educativo cu conoce diferente producto, un di nan ta un buki pa muchanan di scol, titula Mi buki di Aruba. Un buki pa muchanan entre 4 cu 7 aña cu ta cuminsa siña lesa. Un buki cu imahennan hopi colorido, acompaña cu palabranan na Papiamento. Otro productonan den exposicion ta simbolo di Aruba reconocibel pa tur, weganan, carchi y art prints. Meta tras di e proyecto ta stimula lesamento, conocemento di cultura y concientisacion cultural bou mucha y hoben. E exposicion ta duna un bista di e desaroyo di e proyecto y ta presenta e Mi buki di Aruba. A invita publico pa duna feedback riba e material educativo pa asina Steffen Maas por sigui desaroya esaki.