ABC Books i Scol Dununman, Aruba
E workshop / siman di experto aki cu Steffen Maas, pa maestronan di e scolnan di MLK na Aruba y Curaçao, a tuma lugar na Scol Dununman na Aruba. E oportunidad unico aki a wordo financia door di Child & Handicap Fund for di Den Haag.
Stephanie Servanie Damiana, direktora Blenchischool Curaçao, ta papia tokante e tayer: “Nos tabatin un siman hopi fruktífero, kolaborashon intensivo ku Steffen Maas pa generá ideanan ku por ta benefisioso pa tur studiante, skolnan, i kaminda e método por ta un éksito grandi . Nos a interkambiá nos ideanan tokante kon nos ke mira instrukshon di lesamentu na skolnan, i esaki por sosodé solamente si nos kere di bèrdat den nos studiantenan i proveé nan ku loke nan mester. Docentenan cu dinamismo y pasion pa yuda studiantenan den nan desaroyo. Como docente, nos mester transmiti nos curazon y laga tur alumno sinti cu nan por yega leu den bida y maneha nan mes den comunidad. Nos a pensa huntu kon nos por hasi e método aki interaktivo ku diferente tipo di weganan konkreto i digital. Studiantenan ku ta usa e método di pikto-materialnan ta rekerí entrada visual i verbal.
Conhuntamente a papia riba cual topiconan por wordo inclui den e planificacion anual riba e tres islanan. E ta un team fuerte, y nos a siña hopi di otro e siman aki. Ki un experiencia unico, den cual nos a trece ideanan nobo dilanti y ta spera cu den futuro nos red di scolnan special lo bira mas fuerte ainda. Nos ta kere firmemente ku nos studiantenan meresé lo mihó i por bria mas ainda ora nan disfrutá di siña lesa.”
E temanan aki a wordo trata durante siman:
- Konstrukshon di vokabulario i frase
- Siñamentu i weganan metódiko
- Multilinguismo i uso multilingual di e material
- Animashon i interakshon ku imágennan den moveshon
- Nivelnan di siñamentu i vínkulo entre idioma i otro materianan
- Evaluá i sigui desaroyá materialnan di prueba
Materialnan di Picto ta usa sostennan visual den forma di imágen i íkono pa fasilitá komunikashon i mehorá akseso na informashon. Nan ta sirbi komo un hèrmènt pa superá bareranan di idioma i promové kompromiso, komunikashon i komprenshon bou di studiantenan di ZMLK, permitiendo nan siña i partisipá den aktividatnan mas efektivamente.
Meta di e sistema di lesamentu ABC pa muchanan di siñamentu hopi difísil (ZMLK) ta pa presentá informashon na un manera aksesibel i komprendibel, teniendo na kuenta e nesesidatnan spesífiko di e alumnonan aki ku no ta kla pa lesamentu. E materialnan ta usa un estilo set di dibuho i ikononan pa fasilitá komunikashon i mehorá akseso na informashon. Nan ta sirbi komo un hèrmènt pa superá bareranan di idioma i promové kompromiso, komunikashon i komprenshon bou di studiantenan di ZMLK, permitiendo nan siña i partisipá den aktividatnan di lesamentu mas efektivamente.
Pa loke ta trata e alumnonan di MLK, nan por usa e dibuhonan den grupo 1, 2 i 3 komo sosten i integra nan den vários lès manera MNT, M&M, lèsnan sosial-emoshonal, orientashon mundial i familiarisashon ku ingles i hulandes. Aki nan mester di e potrètnan di palabra ingles i hulandes, ku ta partikularmente efikas pa e klasenan mas haltu. Tambe e ta hopi efectivo si maestronan ofrece e diferente partinan di abla pa medio di e materialnan picto. E método aki ta inkluí tambe hopi wega pa hasi siñamentu di lesa mas atraktivo.
Na Blenchi skol tambe nos a kuminsá sampling pa wak kon e muchanan ta eksperensiá e material, kiko nos tur por usa i tambe durante lèsnan spesial di lesamentu, spesialmente pa studiantenan ku ainda ta den e promé fase di alfabetisashon emergente i rekonosementu di lèter.
Den e fase di alfabetisashon emergente, muchanan ta wòrdu introdusí na
- Letternan, zonidonan di letter y e principionan basico di idioma skirbi.
- E vínkulo entre idioma papia i skirbí. Muchanan ta rekonosé lèternan individual i ta kuminsá dekodifiká palabranan simpel.
